Kalibo, Aklan – Aprobado na ng SP-Aklan ang isang resolusyon
na magbibigay ng buong otoridad kay Gov. Florencio Miraflores na magpalabas ng
pondo para sa Service Recognition Incentive (SRI) ng mga empleyado ng probinsya.
Makakatanggap ng P10, 000 na SRI ang mga elective officials,
regular employees, temporary co-terminus at habang P3000 naman ang para sa mga
casual at job order employees.
Magmumula ang pondo ng ipamimigay na SRI sa savings ng probinsya na umaabot sa P15, 947, 000.
Maaalala na inaprubahan ni Pangulong Rodrigo Duterte ang Administrative
Order 19 noong Disyembre 2 na naglalayong mabigyan ng SRI ang mga empleyado ng
gobyerno na karapat-dapat bigyan ng reward.
