Bangkay ng isang lola natagpuang palutang-lutang sa ilog sa Pres. Roxas, Capiz

Palutang-lutang at wala nang buhay nang matagpuan ang bangkay ng isang matandang babae sa ilog ng Sitio Camansi, Brgy Carmencita, Pres. Roxas, Capiz.

Nagsagawa ng imbestigasyon ang kapulisan matapos makarating sa kanila ang naturang insidente.

Lumabas sa pagsisiyasat ng Pres. Roxas PNP na ang babae ay si Remia Serna, 70 anyos, ng Sapian, Capiz.

Pinaniniwalaang nagutom ang matanda at nawalan ng kontrol habang naglalakad sa tabing ilog dahilan para mahulog ito at malunod.