New Washington – Patay na nang matagpuan bandang alas 5:00 kaninang umaga sa isang palaisdaan sa District 3, Pinamuk-an, New Washington ang isang mangingisda.
Nakilala ang biktimang si Jeffrey Valencia Arcelon, 40 anyos ng nasabing lugar.
Base sa inisyal na imbestigasyon ng pulis, nakita ng naglalakad na mag-asawang Roberto at Elsa Ablando ang biktima na nakalubog sa palaisdaan kasama ang kanyang motorsiklo.
Patuloy pang iniimbistigahan ang insidente habang nasa isang punerarya na ang bangkay ng biktima.
