Connect with us

Aklan News

VAN DRIVER, NAG-SAULI NG BAG NA MAY SHABU

Published

on

Kalibo, Aklan – Nagulantang ang mga pulis ng Kalibo PNP sa isang bag na isinauli ng isang van driver kahapon matapos matuklasang may laman pala itong shabu.

Nakilalala ang driver ng pampasaherong van na biyaheng Kalibo-Caticlan na si Rhey Briones Segovia, 39 anyos ng Poblacion, Ibajay.

Ayon sa driver, natuklasan nito ang bag na naiwan sa likurang bahagi ng sasakyan nang linisin nito ang van pagbaba ng kanyang mga pasahero sa terminal.

Itiniyak niya na wala ng pasahero sa lugar bago magdesisyon na dalhin nalang ito sa Kalibo PNP.

Tiningnan ni Patrolman Lionel Guingab ng Kalibo PNP ang laman ng bag upang maghanap ng ID o anumang pagkakakilanlan ng may-ari subalit nasorpresa ito ng makita ang isang sachet ng hinihinalang shabu na nakalagay sa secret pocket ng nasabing back pack.

Maliban sa nasabing droga, nakuha rin sa katabi nitong bulsa ang isang bulb tooter/pipe.

Kaagad dinala sa crime lab ang mga nasabing items para sa karampatang disposisyon.

Samantala, bagama’t walang nakuhang ID, kinumpirma naman ni Guingab na lalaki ang nagmamay-ari ng nasabing back pack.

Continue Reading
Advertisement
Click to comment

Leave a Reply

Your email address will not be published. Required fields are marked *